Propozimi i Ramës për Arben Ahmetajn si ministër, vjen përgjigja në kohë rekord e Presidencës

Pas propozimit që bëri kryeministri Edi Rama për të emëruar Arben Ahmetajn si ministër të Shtetit për Rindërtimin, ka ardhur edhe përgjigja në kohë rekord e Presidencës.

Ky institucion i është përgjigjur pozitivisht këtij propozimi, për herë të parë pas shumë kohësh tashmë.

“Asnjë sekondë vonesë për dekretimin e ministrit të ri të Shtetit për Rindërtimin”, njofton zëdhënësi i presidentit, Tedi Blushi.

Kështu që Arben Ahmetaj rikthehet zyrtarisht në qeveri, në krye të kësaj ministrie të ngritur enkas pas tërmetit tragjik të 26 nëntorit.

Kujtojmë se aktualisht Ahmetaj mban postin e kryetarit të Komitetit Kombëtar për Rindërtimin.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern