Policia aksion në Vlorë, arrestohen 4 persona

Policia e Vlorës ka arrestuar ditën e sotme 4 persona. Sipas njoftimit të policisë, shtetasit e arrestuar akuzohen për “Kundërshtim të forcave të policisë”, “Drejtim i mjetit pa leje” dhe “Drejtim i mjetit në gjendje të dehur”. Tre prej të prangosurve janë të rinj, ndërsa i katërti është 62 vjeç.

Njoftimi i plotë i Policisë së Vlorës:

Policia ka arrestuar 4 persona për vepra të ndryshme penale: S.N., 24 vjeç, banues në Vlorë. Ndalimi i tij u bë pasi ky shtetas ishte shpallur në kërkim për veprën penale “Kundërshtimi i punonjësit të policisë ose rendit publik”, për të cilën gjykata i ka caktuar masën e sigurisë “Arrest në burg”. A. K., 20 vjeç, banues në Vlorë. Arrestimi i tij u bë në Vlorë pasi u kap duke drejtuar motoçikletën pa leje drejtimi përkatës. M. B., 19 vjeç, banues në Gjashtë, Sarandë.

Arrestimi i tij u bë në rrugën “Skënderbeu” Sarandë, pasi u kap duke drejtuar motomjetin pa leje drejtimi përkatës. B. M., 62 vjeç, banues Sarandë. Arrestimi i tij u bë në lagjen nr.1 Sarandë, pasi u kap duke drejtuar automjetin në gjendje të dehur. Materialet iu referuan Prokurorisë për veprime të mëtejshme.