“Po u vjen fundi” Ambasada e SHBA lëshon paralajmërimin e fortë për zyrtarët e korruptuar dhe bosët e krimit: Këtë javë…(VIDEO)

Mëngjesin e sotëm ambasada amerikane në Tiranë, ka lëshuar një paralajmërim të fortë për personat që i cilëson si bosët e krimit dhe zyrtarët e korruptuar dhe shton se tashmë atyre po u vjen fundi, dhe pse më parë kanë qenë të ‘paprekshëm’.

Me anë të një video ambasada thekson se Shtetet e Bashkuara të Amerikës kanë investuar 2 milionë dollarë që  SPAK të funksionojë në mënyrë të pavarur dhe tashmë ky institucion është drejt finalizimit.

REAGIMI I AMBASADES AMERIKANE

Qeveria e Shteteve të Bashkuara është e përkushtuar në luftën kundër korrupsionit dhe respektimin e sundimit të ligjit në mbarë botën. Lufta kundër korrupsionit është prioritet i punës së Ambasadës së Shteteve të Bashkuara në Tiranë. Këtë javë, mësoni se si Struktura e Posaçme Anti-Korrupsion dhe Krim i Organizuar, ose SPAK, do të funksionojë. Me t’u ngritur, do të shënjestrojë korrupsionin e nivelit të lartë. Kjo video tregon se si mbështetja prej 2 milionë dollarësh nga Shtetet e Bashkuara po përdoret për të siguruar që SPAK do të ngrihet dhe do të funksionojë në mënyrë të pavarur.