LIGJET E BIZNESIT
Menjëherë pas hedhjes së shortit në ambientet e presidencës për anëtarët e rinj të Këshillit të Emërimeve në Drejtësi (KED), ka ardhur edhe reagimi i Kreut të Shtetit Ilir Meta.
Meta shprehet se do të presë që puna e KED të jetë transparente njësoj si hedhja e shortit gjatë ditës së sotme.
‘”Pas një shorti tepër TRANSPARENT, tani më e rëndësishme mbetet veprimtaria plotësisht TRANSPARENTE dhe në respekt të ligjit e Këshillit të Emërimeve në Drejtësi (KED) për vitin e ardhshëm”, shkruan presidenti në rrjetet sociale.
Ky reagim lidhet edhe me përplasjet e herëpashershme që Meta ka patur më herët me kreun e KED, Ardian Dvorani.
Kujtojmë se presidenti ka depozituar edhe një padi për Dvoranin, për shpërdorim detyre, pas përplasjeve mes dy institucioneve në zgjedhjet e anëtarëve të Gjykatës Kushtetuese.
