Përmbytet Tirana, moti i keq ‘tërbon’ dhe Lanën, gati të dalë nga shtrati (VIDEO)

Shirat e rrëmbyeshëm që kanë rënë sot që në orët e para të mëngjesit, kanë shkaktuar edhe shumë probleme në Tiranë.

Lumi i Lanës është fryrë shume dhe rrezikon të dalë nga shtrati.

Edhe te Liqeni Artificial niveli i ujit ka shkuar në kuotën maksimale.

Gjithashtu në rrugën e Elbasanit dhe në rrugën e Kavajës qarkullimi i makinave është vështirësuar pasi shiu ka vërshuar në rrugë.

Në foto shihet sesi disa rrugë janë përmbytur nga Lana dhe fryrë nga shiu.

Shirat nuk kanë kursyer as Vorën, ku janë shfaqur problematika në disa lagje të ndryshme.