LIGJET E BIZNESIT
Ky që shihni në foto është 18-vjeçari Devis Hoti, i dyshuari për vrasjen e Flamur Duçit, që tronditi Korçën mëngjesin e djeshëm.
Ngjarja e rëndë ndodhi në fshatin Mborje, ku mësohet se Duçi dhe Hoti ishin komshinj me njëri-tjetrin dhe se i riu kishte qenë i dënuar dhe më parë për “Plagosje e rëndë me dashje”.
48-vjeçari u ekzekutua mëngjesin e djeshëm pranë lokalit në pronësi të tij.
Dëshmitarët rrëfyen se Duçi u gjet i therur me thikë dhe shenja diegjeje në kokë.
Dyshohet se pasi e vrau, i riu ka tentuar të djegë trupin e viktimës.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ende nuk dihet motivi i këtij krimi por thuhet se sherri ka ndodhur për një femër ose për motive grabitjeje.
VIKTIMA FLAMUR DUCI
NJOFTIMI ZYRTAR I POLICISE
Strukturat e Drejtorisë Vendore të Policisë Korçë në bashkëpunim me Prokurorinë pranë Gjykatës së Rrethit Gjyqësor Korçë, në vijim të punës për zbardhjen dhe dokumentimin e ngjarjes së ndodhur më datë 19.12.2019, ku në fshatin Mborje, pranë banesës dhe dyqanit të tij u gjet i vrarë shtetasi F.D., 48 vjeç, bënë të mundur kapjen dhe ndalimin e autorit të dyshuar të ngjarjes shtetasit:
Devis Hoti, 18 vjeç, banues në fshatin Mborje, i dënuar më parë për veprën penale “Plagosja e rëndë me dashje”.
Prokuroria e Rrethit Gjyqësor Korçë, bazuar në hetimet e kryera në lidhje me ngjarjen e mësipërme, ka urdhëruar ndalimin e këtij shtetasi pasi dyshohet se ka konsumuar elementë të veprës penale “Vrasja me dashje”.
Vijojnë hetimet për sqarimin e mëtejshëm, dhe zbardhjen e plotë të rrethanave të ngjarjes.
