Pasi e shkarkuan nga detyra si zv.dekan i Fakultetit të Inxhinierisë së Ndërtimit, ka ardhur reagimi i profesor Agim Seranajt.
Ditën e sotmë ai ka qenë i ftuar në “ABC e mëngjesit” ku ka treguar se ende nuk ja kanë shkruar arsyen se përse është marrë ky vendim ndaj tij.
Seranaj ka shtuar ndër të tjera se të drejtën për të emëruar dhe shkarkuar sipas ligjit e ka dekani, për të cilën ka dhe procedura që sipas tij nuk janë zbatuar.
“Shpresoj që gabimi do të korrigjohet” theksoi profesor Agim Seranaj.
Ai gjithashtu komentoi dhe situatën pas tërmetit.
“Një profesionist duhet të japë kontribut personal. Jemi paralelisht për të ndihmuar qeverinë dhe shoqërinë. Të bëjmë detyrën ndaj qytetarit dhe shtetit tonë. Pjesa profesionale teknike duhet të drejtohet në mënyrë shkencore, profesionale teknike. Kemi propozuar të krijohet një autoritet rindërtimi. Në treg ka konkurencë të çdo aktiviteti. Në një tërmet të ardhshëm jemi më të përgatitur. Prej ngarkesavë në kohën kur kemi dorëzuar propozimimin qeveria ka qënë e angazhuar, shpresojmë që kjo javë të fillojë me dritën jeshile. Kërkojmë të bëhemi sa më ndihmues. Krijimi i këtij autoriteti të rindërtimit prodhon standardin me të cilin duhet të punohet. Standardi që kemi propozuar është përmirësimi i parametrave sizmikë”, u shpreh Seranaj ndër të tjera.
