LIGJET E BIZNESIT
Dita e sotme do të shoqërohet me mot të vranët dhe me reshje të dendura shiu.
Qytetet që do të përfshihen nga reshjet e shumta të shiut janë: Shkodra, Kukësi, Vlora dhe Durrësi, kështu që sipas parashikimit të IGJEUM kjo gjë mund të sjellë dhe probleme me përmbytjet.
Ndërsa në zonën e bregdetit problem do të jetë era e fortë.
PARASHIKIMI I IGJEUM
Priten reshje shumë intensive, pothuajse në të gjithë territorin, por edhe jashtë kufirit shtetëror në basenin e lumit Vjosa. Reshjet maksimale i kalojnë vlerat e 100 mm në 24 orë. Nga llogaritjet e fundit këto reshje mund të sjellin rritje të rrezikshme të prurjeve në lumenjtë e mëdhenj dhe të mesëm Ishëm, Erzen, Shkumbin, Seman dhe Vjosë. Lumenjtë dhe përrenjë e vegjël mund të shfaqin probleme me përmbytje lokale ose përmbytje urbane në varësi të gjendjes së kanalizimeve në disa nga qytetet kryesore (Tiranë, Elbasan, Lezhë, Durrës, Korçë, Vlorë, Fier dhe Gjirokastër). Nga llogaritjet hidrologjike rezulton se, me parashikimin e sasisë së këtyre reshjeve, në pjesët fushore të këtyre lumenjve në këto qarqe ka mundësi për përmbytje lokale dhe prurje të larta kryesisht përgjatë fundjavës. Ky informacion do të përditësohet nga IGJEUM sipas llogaritjeve më të fundit dhe do të njoftoheni për çdo ndryshim në parashikimin e përmbytjeve.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Temperaturat minimale dhe maksimale të ajrit pritet të arrijnë:
Në bregdet: 14 / 18 °C
Në vendet e ulëta: 12 / 17 °C
Në vendet malore: 7 / 11 °C
Era
Era pritet të fryjë e lehtë deri mesatare, ndërsa në bregdet deri shumë e fortë.
