PAMJET/ U tha se i vunë tritol, flet pronari i banesës në Vlorë: Më shpërtheu dushi, pati dëme të mëdha (VIDEO)

Mëngjesin e sotëm një ngjarje u raportua si shpërthim eksplozivi në një banesë në Vlorë.

Por e gjitha ka rezultuar në fund si një shpërthim dushi.

Ngjarja ndodhi rreth orës 03.00 të natës duke u gdhirë dita e sotme, në lagjen “Kushtrimi” në banesën e Jetnor Devollit.

Shpërthimi ishte shumë i fortë dhe shkaktoi dëme të mëdha materiale.

“Ka shpërthyer kazani i dushit. Erdhi policia, bëri verifikimet e veta.Ka pasur dëme të mëdha në mure, derë. Fëmijët për fat ishin në një dhomë këtu poshtë”,  u shpreh kryefamiljari teksa në video shihen edhe pamjet.