Pamje të rënda/ Makinat përplasen ‘kokë më kokë’, 5 të plagosur

Një tjetër aksident i rëndë automobilistik ka ndodhur rreth mesditës së sotme në aksin Korcë-Pogradec.

Mësohet se si pasojë e dy makinave që janë përplasur ‘kokë më kokë’ me njëra tjetrën, janë plagosur 5 persona.

Mjetet e përfshira në këtë aksident janë një “Mercedez-Benz” dhe një tjetër tip “Golf”.

Ashtu si duket edhe nga fotot e “Panorama”, të plagosurit janë dy drejtuesit e automjeteve dhe tre pasagjerë.

Dyshohet se shkak për këtë aksident është bërë parakalimi i gabuar i njërit prej automjeteve.

Policia ka mbërritur në vendin e ngjarjes dhe po punon për zbardhjen e plotë të rrethanave të aksidentit.