Gjatë një takimi me banorët e Durrësit në lagjen nr.7 ditën e sotme, kreu i Partisë Demokratike Lulzim Basha është shprehur se aty mbizotëron një kaos dhe se prioritet mbetet vetëm ndihma ndaj personave të prekur.
Ai ka refuzuar sërish ftesën e dytë të Ramës për bashkëpunim duke thënë se nuk është koha as për teatër dhe për as për poza në këtë gjendje të mjerueshme.
Ndër të tjera kryedemokrati ka zbuluar edhe planin me 3 pika që ka përgatitur PD.
“Po mbushet java dhe prioritare është ndihma, ne mbështesim cdo masë që merret për të ndihmuar dhe po bëjmë cfarë të mundemi ne përmes vullnetarëve tanë. Është koha për veprime urgjente, konkrete dhe të mrëkoordinuara. Unë mbrëmë pata takim me ekspertët më të mirë që ka vendi. Kemi 500 specialistë gati për të dhënë kontributin e tyre vullnetar.
Së pari, organizim i 500 inxhinierëve në mënyre vullnetare për vlerësimin e gjendjes së banesave, vlerësimi me urgjencë dhe ndarje në banesa të banueshme apo të pabanueshme dhe së treti, të përdoren fuqitë që ka qeveria për të anuluar 150 mln dollarë të planifikuara për 10 oligarkët, tu anulohen kontratat dhe këto të destinohen për tu ardhur në nevojë këtyre banorëve”- tha ai.
“Koha tani nuk kërkon poza, as teatër, gjendja është e mjerueshme, ndaj në emër të opozitës e përsëris se mbështesim cdo përpjekje për tu ardhur në ndihmë banorëve dhe nga ana tjetër po bëjë cfarë kemi ne në dorë për të ndihmuar, nuk është koha as për shfaqje as për fotografi, as për teatër.” u përgjigj Basha kur u pyet nga gazetarët në lidhje me një bashkëpunim të mundshëm të tij dhe kryeministrit Edi Rama.
