“Njerëzit që nuk njohin historinë bëjnë gafa” Krasta ‘shuplakë’ Ramës me foton e nënës gjakovare që humbi familjen në luftë

Pas vetëpërjashtimit të Kosovës në Mini-Shengenin Ballkanik dhe deklaratave të kryeministrit Edi Rama për liderët kosovarë, ka ardhur dhe reagimi i gazetarit të njohur Adi Krasta.

Ai ka publikuar një fotografi të nënës gjakovare Ferdonije Qerkezi, e cila ka humbur djemtë e saj dhe bashkëshortin në luftën me Serbinë.

Në këtë mënyrë Krasta i është referuar dhe kryeministrit Edi Rama, ku shprehet se njerëzit që nuk njohin historinë nuk rezistojnë dot pa bërë gabime dhe gafa.

“Asgje nuk ka ndryshuar per ne shqiptaret per menyren sesi na shohin e trajtojne sot e gjithe jeten tone te veshtire e te sulmuar.
Na mungon nje Doktrine e Bashkuar e Mbrojtjes Kombetare. Ne vend te saj gjithefarelloj njerezish te rastesishem qe nuk e njohin historine ose e harrojne ate, nuk i rezistojne dot tundimit per te bere faje, gabime e gaffa. Ata kane si karte justifikuese “Banalitetin e te Keqes”.
Nana gjakovare Ferdonije Qerkezi e cila ka humbur te gjithe familjen ne luften me forcat ushtarake dhe pushtetin serb na kujton se sa shpejt mundemi te gabojme dhe cfare cmimi na duhet te paguajme.”, shkruan Krasta krahas fotos së publikuar.