Ditën e sotme kryeministri Edi Rama ka bërë me dije se nga data 1 janar 2020 do të ofrohen 472 shërbime me aplikime online përmes smartfonit apo kompjuterit.
Sipas Ramës ky revolucion do të shkurtojë kohën e humbur për të marrë një shërbim dhe do të eleminojë rryshfetin.
Ndër të tjera kreu i qeverise theksoi se qytetarëve nuk do u kërkohen më dosje me dokumenta shtetërorë, po vetëm dokumenta që janë individual dhe të gjithë dokumentat shtetërorë të nevojshëm për dosjen që do të sigurohen nga vetë administrata.
NJOFTIMI I PLOTE
NGA 1 JANARI NIS REVOLUCIONI DIGJITAL NE SHERBIMET PER QYTETARET me 472 shërbime që deri sot kërkohen në radhë nëpër sportele, do të kërkohen me aplikime online përmes smartfonit apo kompjuterit.
• Qytetarëve nuk do t’u kërkohen më dosje me dokumenta shtetëtorë, po vetëm dokumenta që janë individualë dhe të gjithë dokumentat shtetërorë të nevojshëm për dosjen do të sigurohen nga vetë administrata
• Qytetarët do të mund ta ndjekin online ecurinë e aplikimit të tyre dhe do të paraqiten në sportel për të marrë shërbimin në afatin e përcaktuar ligjor.
• Ky revolucion do të zhdukë të gjitha radhët për këto aplikime; shkurtojë kohën e humbur për të marrë një shërbim; eliminojë masivisht rryshfetin
• Në qershor do të hyjë online blloku i dytë i shërbimeve dhe deri në fund të vitit 2020 të gjitha shërbimet (me pak përjashtime të paevitueshme dot për shkak të nevojës së paraqitjes së personit për një aplikim) do të bëhen online në https://e-albania.al
#ShqipëriaqëDuam
