Ngec në rrjetën e Vettingut, shkarkohet kryetarja e Gjykatës së Durrësit (EMRI)

Ditën e sotme Komisioni i Pavarur i Kualifikimit (KPK) ka vendosur të shkarkojë nga detyra kryetaren e Gjykatës Administrative të Durrësit, Marjana Velçani.

Sipas këtij organi, Velçani nuk ka arritur të kalojë tre kriteret bazë të Vettingut që janë pasuria, figura dhe aftësia profesionale.

Trupi gjykues i përbërë nga kryesuesja Firdes Shuli, relatorja Brunilda Bekteshi dhe anëtari Ronald Ilia, kanë shqyrtuar me kujdes tre kriteret dhe kanë arritur në përfundimin se Marjana Velçani ka patur shkelje në fushën e pasurisë.

Marjana Velçani e ka filluar karrierën në sistemin e drejtësisë në vitin 1998. Ajo ka punuar për më shumë se një dekadë si gjyqtare në Gjykatën e Beratit dhe në vitin 2014 u dekretua si anëtare e Gjykatës Administrative të Durrësit. Velçani u zgjodh gjithashtu përmes shortit si anëtare zëvendësuese e Këshillit të Emërimeve në Drejtësi për vitin 2020. Velçani u zgjodh pak ditë më parë si anëtare zëvëndësuese në Këshillin e Emërimeve në Drejtësi, nga shorti për Gjyqtarët e Gjykatës Administrative.

PROBLEMET ME PASURINE

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Në seancën e fundit të KPK-së u ngritën dyshimet për burimin e krijimit të një apartamenti në qytetin e Beratit me sipërfaqe 111 m2, blerë 3 milionë lekë në prill të vitit 2003. Velçani deklaroi si burim krijimi një kredi 20 mijë euro dhe kursime nga të ardhurat nga pagat. Sipas Komisionit, nga kontrata e nënshkruar me palën shitëse, ka rezultuar se 3 milionë lekë janë paguar jashtë zyrës së noterit. Komisioni ngriti dyshimet për burimin e apartamentit në fjalë, pasi për kredinë nuk ka rezultuar të jetë vendosur kolateral.

Sipas BIRN, Komisioni identifikoi edhe një sërë problemesh edhe në kriterin e porfesionalizimit. Sipas Bekteshit, gjyqtarja Mariana Velçani, është vlerësuar nga Këshilli i Lartë Gjyqësorë se ka aftësi mesatare në intepretimin e ligjit, por janë konstatuar probleme në zbatimin e procedurës dhe se nuk përdor praktikat e gjykatave më të larta në vendimet e saj.