LIGJET E BIZNESIT
Një nga problemet më të mëdha që vihen re gjatë përditëshmërisë në Tiranë është dhe trafiku i rënduar dhe shkeljet në qarkullimin rrugor.
Një skenë aspak e zakontë është edhe ajo që shihet në këtë video, ku duket qartë se si rruga që shërben për të kaluar mjetet e urgjencës, është e bllokuar nga makinat.
Pamja vjen nga zona e “Zogut të Zi” në Tiranë, ku ambulanca ka ngecur në trafik, për shkak se rruga e shërbimit është e zënë dhe sado që sirenat “ulërijnë” me qytetarin që ka nevojë urgjent për trajtim mjekësor, e ka të pamundur të kalojë.
Në videon e mbërritur në redaksinë e “Fast News Albania” qytetarët shprehin pakënaqësine e tyre ndaj këtyre fenomeneve, që tashmë janë të përditshme për ta, dhe i bëjnë thirrje organeve kompetente që ta zgjidhin sa më parë këtë situatë alarmante, pasi ndihen të rrezikuar se në një të ardhme të afërt mund të jenë ata të cilët kanë nevojë për këto shërbime .
Mesa duket nuk do të jetë aspak e lehtë që të marrin këtë ndihmë, për aq kohë sa probleme të tilla do të vështirësojnë përditë e më tepër jetën e tyre./ Fastnewsalbania
