Ndërprerja e mësimit nga tërmeti, Universiteti i Durrësit jep njoftimin se kur do të nisë mësimi

Durrësi pothuajse u paralizua pas tërmetit të 26 Nëntorit ndërsa qindra banesa, biznese dhe institucione pësuan dëme duke shkaktuar kështu edhe ndërprerjen e mësimit në arsimin parauniversitar dhe universitar.

Universiteti “Aleksandër Moisu” në Durrës njofton se ditën e sotme është njohur me me akt konstatimin e ekspertëve të Institutit të Ndërtimit për të treja godinat universitare.

Ndërkohë pas kësaj është provuar se ndërtesat nuk kanë pësuar dëme dhe janë të sigurta për të mirëpritur stafin dhe studentët.

Nga sa më sipër, u mor vendimi që procesi mësimor të fillojë ditën e hënë, më datë 9 dhjetor.