Nami në Itali/ Megaoperacioni i policisë çon në pranga 334 persona, mes tyre politikanë e biznesmenë të njohur

Një megaoperacion i policisë në Itali, ka vënnë në pranga 334 persona.

Mësohet se midis të arrestuarve ka politikanë, avokatë, financierë, zyrtarë të shtetit dhe biznesmenë, si dhe u sekuestrua një pasuri marramendëse me vlerë 15 milionë euro.

Sipas informacioneve mes personave që kanë rënë në pranga është dhe ish-deputeti i “Forza Italia”, Giancarlo Pitelli.

Policia Italiane ka deklaruar se operacioni është ndër më të mëdhenjtë ë zhvilluar në territorin Italian por ndërkohë nuk ka dhënë detaje më të hollësishme veç faktit se operacioni kishte si qëllim identifikimin dhe sekuestrimin e pasurive të klanit mafioz ‘Ndragheta’.

Ky operacion erdhi në vijim të një hetimi të gjatë prej disa vitesh dhe u zhvillua në disa rajone të Italisë si_Kalabri, Piemonte, Veneto, Lombardi, Toscana, Campagna, Emilia Romagna etj, ku Ndragheta ka zonat e saj të influencës.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Disa prej të arrestuarve janë vënë në pranga në Gjermani dhe Zvicër.

Për dërgimin e  tyre në pranga u angazhuan më shumë se 2500 karabinierë.