Muzika në zi, ndahet nga jeta kompozitori i njohur shqiptar

Është ndarë nga jeta kompozitori i njohur Gjergj Kaçinari.

Ai ka mbyllur sytë në moshën 80-vjeçare, ndërkohë që do të mbahet mend gjatë nga publiku i Kosovës për veprat që la pas.

Lajmi i hidhur është bërë i ditur nga familjarët e Kaçinarit.

Gjergj Kacinari ka lindur në 25.04.1939  dhe gjatë jetës së tij kompozoi muzikë argëtuese dhe serioze. Gjergji i takon gjeneratës së mëvonshme të pas luftës së dytë botërore të kompozitorëve në Kosovë.

Shumë kompozime të filmit e teatrit shqiptar nga Kosova mbajnë firmën e tij.

Ai ka bërë përmbledhje të ndryshme folklorit dhe i ka sjellë ato në forma të tjera muzikore. Pas kësaj Kaçinari i ka artikuluar edhe në libra të ndryshëm, njëri prej të cilëve titullohet: “Margaritarët e këngëve popullore”.

Varrimi i kompozitorit Kaçinari do të bëhet ditën e shtunë në orën 14:00 në Kosovë.