LIGJET E BIZNESIT
Finalja e edicionit të Festivalit të 58-të të Këngës në Radio Televizionin Shqiptar është shoqëruar edhe këtë rradhë me pakënaqësi ndër artistët pjesëmarrës.
Këngëtarja Arilena Ara u shpall fituese me baladën “Shaj”, këngë kjo e cila do të përfaqësojë Shqipërinë në Eurovision.
Ndërsa Elvana Gjata me këngën ritmike “Me tana”, doli në vend të dytë, por mesa duket nuk ka qenë aspak dakord me këtë vendim, pasi u shfaq e zhgënjyer që në momentin kur iu thirr emri.
Mësohet se menjëherë pas kësaj Elvana është larguar nga skena.
Ajo ka vendosur mos ti japë dorën fitueses dhe as të mos marrë pjesë në emisionin post-festival.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Nga ana tjetër Arilena Ara u pyet nëse ia dha dorën Elvana pasi u shpall fituese, dhe u shpreh se në atë moment iu errën sytë.
Ajo shtoi se ka respekt për Elvanën dhe e vlerëson shumë si artiste.
“Akoma nuk kam takuar mamin tim. Ne ate moment te erren syte, nuk e di as ke takon, as ke duhet të takosh. Kam respekt, e vlerësoj jashtë mase. Jam e lumtur per te gjithe koleget e mi”, u shpreh Arilena Ara pasi u shpall fituese.
