Mëngjesin e sotëm kryeministri Edi Rama e ka nisur duke nxjerrë një video në të cilën ministrja e Shëndetësisë Ogerta Manastirliu prezanton punën e bërë në vitin 2019.
Si gjithmonë kjo video ka sjellë dhe reagimin e komentuesve, madje njëri prej tyre i ka shprehur shqetësimin Ramës se të gjithë mjekët dhe infermierët kanë ikur tashmë në Gjermani.
Por nga ana tjetër as Rama nuk ia ka lënë mangut përgjigjen komentuesit të revoltuar.
“Po mjeket dhe infermjeret iken ne Gjermani tani vetem ndertesat kan ngelur dhe te korruptuarit qe slevizin”, shkruan qytetari.
“Oh, vertete?! Po 18 mije mjeke e infermiere qe sherbejne ne Shqiperi dhe kryejne afro 90 mije nderhyrje ne vit, perveç qindramijera vizitave cfare jane apo “te korruptuarit qe nuk levizin”! E di ti Bardhi qe mjeket qe shkojne ne spitalet jashte Tiranes, marrin nje bonus plus rroges, qe i bie ne fund te muajit me shume se sa do merrnin po te shkonin jashte?!
Jo me siguri nuk e di! Une e di qe shendetesia ka ende plot probleme per te zgjidhur dhe investime per te bere, po di edhe qe krahasuar me nga u nisem eshte dita me naten! Ti mos paç kurre nevoje per spital qe ta shohesh me syte e tu, se pertej atyre qe e njollosin bluzen e bardhe me sjellje korruptive, ka mijera e mijera gra e burra qe sherbejne e shpetojne jete, kurojne plage, sherojne njerez! Gezuar Bardhi, te kesh shendet e mbaresi me ke te do zemra”, thuhet në përgjigjen e Ramës.
