Mjekët bëjnë gabimin trashanik gjatë operacionit, merr flakë pacientja

Një ngjarje e rëndë ka ndodhur në Bukuresht ku një paciente gjeti vdekjen pas një gabimi trashanik të doktorëve të cilët po e operonin atë pasi vuante nga kanceri pankreatik.

66-vjeçarja, identiteti i të cilës nuk bëhet i ditur, po operohej në momentin që kirurgët në spitalin “Floreasca”  përdorën një dezinfektues me bazën alkoolin dhe më pas një bisturi elektrike.

Kjo e fundit, pasi ra në konktat me alkoolin, shkaktoi flakë, e cila përpiu trupin e të moshuarës. 66-vjeçarja pësoi djegie në 40% të trupit të saj dhe një javë pas ngjarjes vdiq.

Policia ka nisur hetimet për ngjarjen, ndërsa familjarët e të moshuarës kërkojnë që të gjendet e vërteta.