Presidenti Ilir Meta ka zbuluar detaje nga mbledhja e sotme e Këshilllit të Sigurisë Kombëtare, ku u diskutua për një bashkëveprim dhe koordinim më të ngushte midis të gjitha institucionave për përballimin e emergjencës deri në rivendosjen e normalitetit të plotë.

Me anë të një postimi në rrjetet sociale, Meta deklaroi se kanë mbështetur dhe Prokurorinë që të cojë përpara hetimet dhe të vendosë para përgjegjësisë penale të gjithë personat që rezultojnë përgjegjës.

“Sot në mbledhjen e Këshillit të Sigurisë Kombëtare, diskutuam për një bashkëveprim dhe koordinim më të ngushtë midis të gjitha institucioneve për përballimin e emergjencës deri në rivendosjen e normalitetit të plotë. E mbështetëm prokurorinë të çojë përpara hetimet dhe të vendosë para përgjegjësisë penale të gjithë ata që do të rezultojnë përgjegjës.

Të sigurojmë burimet e brendshme dhe mbështetjen e duhur ndërkombëtare për tejkalimin e pasojave të rënda të këtij tërmeti të tmerrshëm’, shkruan Ilir Meta.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern