Kryeministri Edi Rama gjatë fjalës së tij në takimin në Tiranë ka deklaruar se vitin tjetër nisma rajonale e cilësuar si “Shengeni Ballkanik” do të japë frytet e veta për ekonominë.
Në konferencën e përbashkët për shtyp teksa u pyet për një produkt konkret të kësaj nisme, Rama tha cdo vend që përfshihet në këtë proces përfiton dhe procesi ka një përfitim progresiv për të gjitha vendet.
Një tjetër vendim, sipas Ramës ka të bëjë me lehtësimin e kalimit doganor në Qafë Thanë në janar. Ai theksoi se viti 2020 do të flasë vetë për këtë.
Duke hapur kufijtë për të gjithë ata që vijnë nga vende të treta, dhe po marr Kinën për të vizituar Kinën dhe po marr konkretisht Serbinë, meqë me kënaqësi dhe keqardhje po shoh se sa shumë patriotë të facebook më janë sulur ne bëjmë të mundur rritjen eksponenciale të numrit të turistëve kinezë në vendin tonë.
Për turistin që zbret në një vend, mundësia për të shkuar në vendet e tjera pa pasur nevojë për viza e procedura është imediate. Po marr shembullin tjetër, eksportuesit shqiptarë të produkteve bujqësorë që në rajon vijnë në rritje do të kenë një përfitim progresive. E fundit që kam është kush mund të thotë të kundërtën. Kush mund të thotë se lëvizja e lirë e njerëzve, mallrave, heqja e barrierave, lehtësimi i dokumentacionit mund të mos sjellë zhvillim për ekonominë, biznesin, mirëqenien e vendit të vet. Këtë mund ta thonë ata që jetojnë jashtë realitetit.
Mali i Zi është atraksioni më i madh turistik sot në rajonin tonë. Çfarë përfitimi kemi nëse ne e hapim kufirin dhe nuk është një linjë e gjatë pritjesh. Kemi rënë dakord për të lehtësuar kalimin doganor në Qafë Thanë, do ta bëjmë në janar.
Unifikimi i dokumenteve dhe mjaftueshmëria e një certifikate bën një ndryshim nata me ditën me realitetin që kemi.
Viti 2020 do të flasë vetë për këtë. Në fund të vitit 2020 shifrat e ekonomive tonë, të vendeve që janë në tryezë dhe uroj shumë dhe të Kosovës e Bosnjës do të flasin vetë. Do të ketë padyshim në shifrat e ekonomisë tonë, të punësimit do të ketë një shenjë të parë domethënëse se çfarë impakti ka kjo”, u shpreh kryeministri.
