LIGJET E BIZNESIT
Temperaturat e acarta kanë pushtuar vendin tonë. Shërbimi Meterologjik Ushtarak njofton se, ditën e sotme do të ketë temperatura nën 0 gradë. Sipas parashikimit në relievet malore temperaturat minimale pritet të arrijnë deri në -5ºC, në ato të ulta -3ºC ndërsa në ato bregdetare 0ºC.
Edhe në ditët në vijim parashikohet që temperaturat të vijojnë të zbresin, duke bërë që mëngjeset të jenë të acarta dhe mesditat të ftohta me temperatura deri në -8ºC në zonat malore.
Parashikimi:
Si sot ashtu edhe për ditën e nesërme vendi ynë do të ndikohet nga masa ajrore të qëndrueshme dhe të thata me origjinë veriore. Për shkak të origjinës sw tyre veriore, dita e nesërme priet të jetë e ftohtë me temperaturat e mëngjesit të cilat pritet të zbresin nën 0ºC. Në këtë mënyrë në relievet malore temperaturat minimale pritet të arrijnë deri në -5ºC, në ato të ulta -3ºC ndërsa në ato bregdetare 0ºC. Edhe temperaturat e mesditës pritet të jenë të ftohta me vlera deri në 4ºC në relievet malore ndërsa në zonat e ulta dhe ato bregdetare nuk do të kalojnë vlerat prej 11ºC.
Moti do të jetë i kthjellët në të gjithë territorin përjashtuar vranësirat mesatare në relievet malore në lindje të vendit. Tek temperaturat e ulta ndikim do të ketë gjithashtu edhe era e cila do të fryjë relativisht intensive me shpejtësi mesatare 5-8m/s dhe drejtim nga kuadrati i veriut. Përgjatë vijës bregdetare dhe zonat luginore era hera-herës arrinë shpejtësinë 15-25m/s.
