Mashtronte qytetarët duke mbledhur ndihma për tërmetin, arrestohet drejtuesi i fondacionit në Tiranë (EMRI)

Ditën e sotme policia e Tiranës ka arrestuar një person nën akuzën e mashtrimit.

Mësohet se ai është shtetasi Ajet Shira, 27 vjeç, banues në Tiranë.

Sipas informacioneve Ajet Shira ishte drejtues i një fondacioni në Tiranë dhe në emër të tij mblidhte ndihma për të prekurit nga tërmeti.

Nga verifikimet e kryera ka rezultuar se këto ndihma nuk shkuan për të prekurit nga tërmeti por për fondacionin e tij.

NJOFTIMI ZYRTAR I POLICISE

Policia evidenton një rast abuzimi nga një fondacion me qendër në Tiranë, ku punonjës të këtij fondacioni në qytetin e Fierit, krahas ndihmave për fondacionin, në mënyrë abuzive mashtronin njerëzit duke kërkuar ndihma për të dëmtuarit nga tërmeti.

Specialistët për Hetimin e Krimit Ekonomik dhe Financiar në DVP Fier proceduan penalisht shtetasin Ajet Shira, 27 vjeç, banues në Tiranë.

27-vjeçari, duke qënë drejtues i një fondacioni me qendër në Tiranë, është autor i dyshuar për veprën penale “Mashtrimi” i kryer në bashkëpunim, pasi ky shtetas, në emër të fondacionit mblidhte ndihma për të prekurit nga tërmeti, por nga verifikimet e kryera ka rezultuar se këto ndihma nuk kanë shkuar për të prekurit nga tërmeti, por në llogari të fondacionit të tij.

Gjatë ditës së djeshme, pranë një qendre tregtare në Fier, dy shtetase janë kapur duke mbledhur vlera monetare për njerëzit e prekur nga tërmeti, duke mashtruar në emër të këtij fondacioni.

Materialet i kaluan Prokurorisë pranë Gjykatës së Shkallës së Parë Fier, për veprime të mëtejshme hetimore.

Policia e Shtetit ju fton që për çdo denoncim apo sinjalizim të çfarëdolloj abuzimi apo shkeljeje të ligjit, të telefononi në numrin 112.