Shqipëria por edhe gjithë Europa është përfshirë nga një mot i keq me reshje të dendura shiu dhe erëra të forta.
Në vendin tonë në majat e maleve në veri e verilindje ka pasur reshje bore. Prej pasdites së sotme, reshjet do të ndërpriten në të gjithë territorin, për t`ja lënë vendin kthjellimeve.
Në zona të izoluara malore, gjatë së enjtes e së premtes parashikohet borë e dobët.
Kjo situatë, do të pasohet nga rënie graduale e temperaturave, që do të kulmojnë të premten. Shërbimi Metorologjik Ushtarak thekson se duhet të bëhet kujdes nga ngricat që do të shkaktohen nga vlerat e ulëta të temperaturave.
Era e vrullshme, do të jetë e pranishme gjatë së hënës në zonat bregdetare dhe në alpe me drejtim kryesor nga veriperëndimi.
Më tej, era do të ketë drejtim juglindje e veriperëndim, e lehtë e përkohësisht mesatare në bregdetin jugor.
