LAJM I FUNDIT/ Njoftohet për rrëmbimin e një personi në Don Bosko, policia në aksion për kontrolle

Një person ka telefonuar në sallën operative të policisë së Tiranës, duke dhënë alarmin se një person është rrëmbyer.

Burime bëjnë me dije se personi që ka sinjalizuar policinë ka denoncuar se ngjarja ka ndodhur në lagjen Don Bosko, në Tiranë.

Deri më tani nuk bëhen të ditura detaje për ngjarjen në fjalë, si dhe për faktin nëse kemi të bëjmë me një telefonatë të rreme, pasi personi që ka bërë telefonatën në polici ka fikur telefonin.