Kuvendi nuk ndalet, rrëzon dy dekretet e presidentit

Pas miratimit ligjit anti-shpifje, kuvendi ka rrëzuar dy dekretet e presidentit Ilir Meta, për “Ligjin për Rininë” si dhe ligjin për “Korporatën e Investimeve”.

Sipas presidentit “Ligji për Rininë”, binte në kundërshtim me parimet kushtetuese, aktet ndërkombëtare të ratifikuara nga Republika e Shqipërisë, si dhe fryma e këtij ligji nuk përputhet me interesat reale të rinjve shqiptarë; për rrjedhojë, ky ligj nuk është në harmoni me interesin publik e kombëtar.

Ndërsa për sa i përket kthimit të ligjit për “Korporatën e Investimeve”, Meta argumentonte se pasi duhet që të rishikohet përbërja dhe funksionet e organeve drejtuese.