“Ku të shkojmë mo vlla, sna i var njeri” Ardi Daullxhiu ia thotë në sy Blendi Klosit, ja si përgjigjet ministri

Kryeministri Edi Rama ka zhvilluar sot një mbledhje të kabinetit qeveritar në Golem, me dyer të mbyllura dhe pa praninë e mediave.

Mirëpo mesa duket pushimin e drekës ai ka vendosur ta kalojë së bashku me ministrant në kompleksin “Fafa” ku ndodhen të strehuar në hotel banorët, shtëpitë e të cilave janë prekur nga tërmeti i 26 nëntorit në Durrës.

Njëri prej tyre është dhe Ardi Daullxhiu, i cili është një personazh i njohur mediatik, ku ka kërkuar ndihmë publikisht shpeshherë në programin “Zonë e Lirë”.

Në tavolinë me të është ulur dhe ministri Blendi Klosi ku e ka pyetur sesi mund ta ndihmojnë për ta riparuar shtëpinë, i shpjegoi procedurën sesi do veprohet pasi t ëiki nga hoteli ku e kanë strehuar.

Klosi u shpreh se Daullxhiu duhet të shkojë në bashki dhe të kërkojë kredi ose qira të cilën do ta paguajë Bashkia.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Hotelet do bëhen gati për sezonin turistik kështu që avash avash duhet të lëvizin prej andej”.

“Po s’na e var kush more vlla. Ku të shkojmë, s’na e var njeri ne”, iu përgjigj Daullxhiu.

“Duhet të gjejmë mobilje, divanë…” vazhdoi më tej ministri Klosi.