Në listën e personazheve të njohur që kanë ofruar kontributin e tyre për të ndihmuar personat e prekur që pas tërmetit të 26 nëntorit, është dhe këngëtari shqiptar Ermal Meta.

Edhe pse jeton tashmë prej vitesh në Itali, Meta ka vendosur të kontribuojë në ndërtimin e shtëpisë së familjes Alla, e cila jeton në një fshat të Tiranës dhe tërmeti iu ka dëmtuar totalisht banesën.

Me anë të një postimi në Instagram, këngëtari i njohur bën me dije se do të ndihmojë ringritjen e shtëpisë së familjes Alla që pjesëtarët të mos e kalojnë dimrin mes rrënojave të të ftohtit dhe u ka bërë thirrje të gjithëve që kanë mundësi të kontribuojnë.

“Kam ndjekur me shqetësim këto ditë ngjarjet në Shqipëri dhe bashkohem me dhimbjen e atyre që humbën njerëzit e tyre të dashur. Vendosa t’i bashkohem apelit të Erjon Veliaj duke dhënë kontributim tim për të ndihmuar në ringritjen e shtëpisë së familjes Alla që Brisilda, Erseda, Erildi dhe familja e tyre mos e kalojnë dimrin mes rrënojave e të ftohtit. Si familja Alla ka dhe shumë të tjerë që kanë nevojë për ndihmën tonë dhe unë do tju lutesha të jepnit të gjithë një kontribut sado i vogël qoftë nëpërmjet portalit albania.al”, shkruan Ermal Meta.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern