“Ju çmendën këta maskarenjtë”, Rama sulmon sërish mediat: Hap televizorin bie tërmet

Kryeministri Edi Rama ka vijuar me turin e inspektimeve në zonat e prekura nga tërmeti duke ndaluar në Kamëz.

As në këtë rast kreu i qeverisë nuk ka ngurruar të sulmojë mediat.  Ai u shpreh se situata nuk është shumë alarmante, por mediat e zmadhojnë. Në këtë moment Rama ka sulmuar dhe njëherë mediat dhe gazetarët i ka quajtur maskarenj.

Sipas Ramës situata me tërmetin ka mbaruar por mediat po çmendin qytetarët. “I çmendën këta, i çmendën maskarenjtë. I luajtën menç. Hap televizorin duket sikur po bie tërmet. Mbyll televizorin shikon që gjithçka ka mbaruar”, u shpreh Rama.

Ky nuk është sulmi i parë që Rama po bën kundër mediave, pasi prej ditësh ka përdorur epitete të ndryshme. Vetëm pak orë më parë në mbledhjen e Komitetit Kombëtar të Rindërtimit, numri një i qeverisë quajti median si kriminale dhe skandaloze.