“Jemi shqiptarë, do të humbni ose do ju vrasim”, kërcënohet ekipi i Berluskonit

Një bastexhi 25-vjeçar me origjinë siciliane, ka kërcënuar futbollistët e Monzës, klub nën pronësi të Silvio Berluskonit.

“Kemi vënë bast 250 mijë euro. Lajmëro shokët e mbrojtjes që kjo ndeshje duhet humbur. Nëse dilni nga fusha me pikë, mund ta konsiderosh veten si i vdekur që po ecën”, shprehet ai.

Me pas air është ndaluar nga karabinierët e Aleksandrisë. Hetimi kishte nisur në shtatorin e kaluar, kur Monza kishte ndeshjen në transfertë ndaj Juventusit U-23, një takim i zhvilluar pikërisht në Aleksandri.

Skuadra e Berluskonit nuk ra pre e kërcënimeve dhe fitoi 4-1 teksa pas garës, denoncuan gjithçka kishte ndodhur. “Nëse nuk luan, apo nuk lejon rivalët të shënojnë, ta dish se do të të vras duke ecur në rrugë. Ta di adresën e mos guxo të denoncosh. Jemi kalabrezë dhe shqiptarë”, ishte kjo pjesa tjetër e fjalëve të kërcënuesit.

Lojtari i kërcënuar u mor nën mbrojtje nga forcat e rendit të cilat falë një hetimi mundën të gjejnë edhe aparatin nga i cili kishte ardhur kërcënimi.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern