Ishin kritikë ndaj Erdogan, dënohen me 7 vite burg gazetarët në Turqi

Është dhënë vendimi gjyqësor për gjashtë gazetarët dhe një punonjës i gazetës Sozcu. Ata u dënuan me burg në Turqi për akuzën se ndihmuan përpjekjet për grusht shteti në vitin 2016.

Gazeta Sozcu ka qenë kritike e fortë e Presidentit turk Rexhep Tajip Erdogan. .

Kryeredaktorët e gazetës, Metin Ylmaz dhe Mustafa Çetin dhe opinionistët Emin Çölaşan dhe Necati Doğru, u dënuan me rreth tre vite e gjysmë burg.

Redaktori i lajmeve në web Yücel Arı, financieri Yonca Yücekaleli dhe reporteri Gökmen Ulu morën dënime me nga dy vite burg.

Gazetarja Mediha Olgun u lirua nga akuzat dhe pronari i Sozcu, Burak Akbay – i cili jeton jashtë Turqisë – thuhet se ende po ndiqet penalisht në mungesë.

Turqia konsiderohet si vendi i dytë me numrin më të lartë të gazetarëve të burgosur, pas Kinës. Raportohet se, të paktën 108 gazetarë turq ose punonjës të mediave aktualisht janë në burg.