I vuri flakën “Benzit” të bashkëfshatarit, policia arreston autorin

Një automjet është djegur sot në mëngjes në fshatin Bickë të Devollit.

Policia ka arritur të zbardhë ngjarjen dhe ka arrestuar shtetasin L.K 34 vjeç, banues në fshatin Bickë, i cili dyshohet se për motive të dobëta, ka djegur mjetin e shtetasit Gj.Sh.

Ai akuzohet për veprën penale “Shkatërrimi i pronës me zjarr” dhe materialet i kaluan Prokurorisë të Rrethit Gjyqësor Korçë për veprime të mëtejshme.

NJOFTIMI ZYRTAR I POLICISE

Zbardhet ngjarja e ndodhur mëngjesin e sotëm, ku në fshatin Bickë, u përfshi nga flakët dhe për pasojë u dogj një automjet.

Arrestohet në flagrancë autori i dyshuar i ngjarjes.

Në orët e para të mëngjesit të sotëm, jemi njoftuar se në fshatin Bickë, ka rënë zjarr dhe për pasojë është djegur mjeti furgon tip “Benz” në pronësi të shtetasit Gj.Sh, 38 vjeç, i cili ndodhej i parkuar përpara banesës së tij.

Menjëherë policia filloi hetimet në lidhje me rastin, ku nga veprimet e kryera dhe provat e grumbulluara u bë zbulimi, identifikimi dhe kapja e autorit të dyshuar të ngjarjes, shtetasit L.K., 34 vjeç, banues në fshatin Bickë, i cili dyshohet se për motive të dobëta, ka djegur mjetin e shtetasit Gj.Sh.

Shtetasi L.K., u arrestua në flagrancë për veprën penale “Shkatërrimi i pronës me zjarr” dhe materialet i kaluan Prokurorisë të Rrethit Gjyqësor Korçë për veprime të mëtejshme.