I vunë tritol te pika e transfertës së parave, kush është biznesmeni i dënuar më parë për kokainë në Ish-Bllok (EMRI)

Një sasi tritoli shpërtheu orët e para të mëngjesit të sotëm në zonën e Don Boskos në Tiranë.

Ngjarja ndodhi në biznesin e shtetasit Përparim Kalbaj, ku lënda plasëse u vu në oborrin e biznesit të tij që ishte një pikë këmbimi valutor dhe transferta parash.

Përparim Kalbaj, ka qenë i arrestuar në 2018, pasi u kap duke shpërndarë kokainë në zonën e Ish-Bllokut në Tiranë.

Dyshohet se veprimi i sotëm është një paralajmërim për Kalbajn.

“Në pranga kanë rënë Azis Meta, 35 vjeç, Përparim Kalbaj, 46 vjeç, Aleks Kanaçi, 35 vjeç, dhe E.B, 23 vjeçe. Në rrugën “Nikolla Jorga”, pas hetimeve të policisë rezultoi se këta persona në bashkëpunim me njëri-tjetrin, kryenin aktivitetin e kundraligjshëm të shitjes së kokainës në sasi të vogla personave të ndryshëm në zonën e “Bllokut”. Ata lëviznin me dy automjete. Gjatë kontrollit fizik iu gjetën dhe sekuestruan në cilësinë e provës materiale 276.6 gramë kokainë. Gjithashtu janë sekuestruar në cilesinë e provës materiale dy makina dhe 7 telefona. 7 telefona celularë,” thuhej vjet në njoftimin e policisë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern