LIGJET E BIZNESIT
Pasi kanë kaluar pothuajse dy javë nga tërmeti tragjik 6.4 ballë që goditi Shqipërinë, i cili shkaktoi 51 viktima, vijojnë dedikimet prekëse për personat që humbën jetën.
Një prej njerëzve të njohur që pësoi një humbje të madhe është dhe djali i kryeministrit Edi Rama.
Greg Rama, ishte i fejuar me Kristi Recin, studenten e shkëlqyer të mjekësisë, e cila humbi jetën nën rrënojat e një pallati 6-katësh në Durrës së bashku me familjen e saj, dy prindërit dhe vëllain, të cilët tashmë nuk jetojnë më.
Dhimbjen e madhe për partneren e tij Gregu ka zgjedhur ta ndajë me anë të një postimi në rrjetet sociale.
Së fundmi ai ka publikuar një fotografi, me një shprehje anglisht të Van Gogut.
“Zemra e një mashkulli i ngjan shumë detit, ka stuhitë e tij, ka baticat e tij dhe në thellësi ka xhevahirët e tij gjithashtu.”, shkruan Greg Rama.
Kujtojmë që fillimisht mediat italiane dhe amerikane shkruajtën për lajmin e kobshëm duke e cilësuar vajzën e re sit ë fejuarën e djalit të kryeministrit, lajm ky i konfirmuar dhe nga zyra e shtypit të kryeministrisë.
Madje vetë kryeministri Edi Rama kur u pyet dy netë më parë nga gazetari italian në emisionin “Porta e Porta” të Bruno Vespës, e pranoi për herë të parë se Kristi ishte fejuara e djalit të tij Gregor Rama.
Ai tha se nuk reagoi publikisht për këtë, pasi të gjithë viktimat e tërmetit i konsideronte njësoj.
