Hetimi ndaj Ardian Dvoranit/ Prokuroria kërkon dëshminë e Avokates së Popullit

Dy ditë pasi kreu i Këshillit të Emërimeve në Drejtësi, Ardian Dvorani, u thirr për të dëshmuar në Prokurorinë e Tiranës, mësohet se sot është thirrur edhe Avokatja e Popullit, Erinda Ballanca.

Ballanca pritet të pyetet jo vetëm për pretendimet e ngritura nga Presidenca në adresë të Dvoranit, por edhe për vetë pretendimet e institucionit që drejton Ballanca, të cilat i bëri të ditura nëpërmjet një njoftimi në faqen zyrtare të Avokatit të Popullit, pas kallëzimit të Metës.

Kujtojmë që pas Presidentit Meta, Avokati i Popullit publikoi pak kohë më parë një raport të gjatë mbi veprimtarinë e KED, ku shpjegon se ka përgatitur edhe një padi ndaj KED dhe kryetarit të saj Ardian Dvorani.