Pas zgjedhjes së Prokurorit të Përgjithshëm, KLP duhet të zgjedhë tashmë edhe kreun e Strukturës së Posaçme Antikorrupsion.
Të gjithë kandidatët duhet të paraqesin kërkesën për interes deri më 10 dhjetor.
Burimet e RTV Ora bëjnë me dije se nga 8 anëtarët e emëruar mësohet se interes për kreun e SPAK do të paraqesin tre prokurorë si Altin Dumani, Arben Kraja dhe Ervin Kondili, të tre që i kanë kaluar pa problem të dyja shkallët e vettingut.
Më pas Këshilli i Lartë i Prokurorisë do të vendosë për fituesin ashtu sikurse ndodhi edhe me Prokurorin e Përgjithshëm, do ti nënshtrohen një seance publike dëgjimore ku do të paraqesin platformën e tyre.
