“Flija bashkë me 30 veta të tjerë”, nga i pastrehë në milioner, ja cfarë i shndërroi jetën 39-vjeçarit

Një 39-vjeçar nga i pastrehë, sot mund të quhet një milioner. Protagonisti i kësaj historie suksesi është Hakki Akdeniz, i cili mbërriti disa vite më parë në New York. Ai u nis drejt “tokës së ëndrrave” pasi mori garanci nga një shoku I tij.

Në fillimet e veta, 39-vjeçari ka bërë një jetë të vështirë. Ai ka rrëfyer se për 3 muaj ka jetuar në një qendër për personat e pastrehë “Bowery”.

“Rreth 25 apo 30 vetë flinin aty ku flija unë. Njerëzit mendojnë se është e lehtë, por nuk është aspak ashtu ku jeton prej kohësh në një qendër për të pastrehë. Ka njerëz që mendojnë që të jetosh në Amerikë është liri, por nuk është aspak kështu”, u shpreh 39 vjeçari.

Por më pas fati do të niste t’I buzëqeshte pak nga pak. Fillimisht ai punoi si pjatalarës, më pas mblodhi të ardhurat dhe nisi të priste pica.

Dalë-ngadalë ai mësoi edhe sekretin e përgatitjes së picave, për të hapur më pas një restorant të tijin. Vulën e suksesit ja dha një konkurs ku kishin ardhur picajolë anembanë vendit, ku 39-vjeçari mori famë dhe tani të gjithë njerëzit drejtohen tek restoranti i tij.