LIGJET E BIZNESIT
Festivali i 58-të në RTSH, ka ngjallur shumë debate se cili/cila do të na përfaqësojë në Eurovision 2020. Ende pa u publikuar këngët, Elvana Gjata dhe Arilena Ara ishin dy pretendetet kryesore. Elvana merr pjesë me këngën “Me tana”, ndërsa Arilena me baladën”Shaj”.
Menjëherë pas publikimit këngët kanë marrë mijëra klikime, por komentuesit janë të mendimit se këtë herë Shqipëria nuk duhet të prezantohet me balada si ajo e ndjerë e Arilenës, pasi sipas komentuesve është koha që skenës së Eurovizionit t’i vihet flaka me një këngë ritmike si ajo e Elvana Gjatës.
Dy pretendentet e përfolura më shumë për këtë fitore nuk kënduan në një natë, pasi Elvanën e pamë natën e parë dhe Arilenën natën e dytë.
Dy pretendentet do të mund të takohen natën finale të festivalit, që do të mbahet të dielën dhe ku do të presim me kureshtje se cila apo cili do të jetë triumfatori.
Natyrshëm lind pyetja se cila është marrëdhënia mes dy artisteve jashtë skenës dhe a u takuan në prova Arilena dhe Elvana, siç bënë Fifi dhe Eneda Tarifa në “Këngën Magjike”?
Burime pranë Festivalit të RTSHsë kanë treguar se dy këngëtaret që menaxhohen nga Andy Gram dhe Popi Kola e kanë shmangur njëra-tjetrën në prova, duke i shpallur kështu luftë të ftohtë njëra-tjetrës.
Ato nuk janë parë në asnjë moment të takohen qoftë edhe si kolege, gjë që flet shumë për marrëdhënien e tyre në paskuinta.
