LIGJET E BIZNESIT
Ditën e djeshme 8 anëtarët e parë të SPAK u betuan përpara presidentit Ilir Meta nga ku morën dhe zyrtarisht detyrën.
Pas ceremonisë në presidencë, mbledhja e KLP caktoi dhe kreun e SPAK, i cili është Arben Kraja.
Nga ana tjetër ish-ministri i Drejtësisë, Ylli Manjani ka paralajmëruar se nëse qeveria e con deri në fund nismën anti KÇK, atëherë SPAK del jashtë funksionit.
Mbrëmjen e djeshme ai ishte i ftuar në emisionin “Opinion”, ku ka bërë dhe një krahasim të fortë ndërmjet SPAK dhe KÇK.
“Më provokoi Preçi në fakt me këtë çështjen politike apo jo, ata siç janë zgjedhur i bie se nuk janë të asnjë krahu politik. Ka një gjë që duhet ta saktësojmë. E para një pjesë e mirë e informacionit shkon nga qeveria. E dyta nëse nisma e kryeministrit për KÇK shkon deri në fund, natën e mirë SPAK-ut. Sepse ku ka SPAK që heton kryeministrin pas kësaj mo?
A ke lexu ligjin e KÇK, e ke lexu ligjin se do ta bënin dhe akt normativ ata po ndodhi tërmeti… Ai ligji i KÇK është që nëse mua nuk më pëlqen prokurori për çështjen që ke nis ministri i drejtësisë ose ministri i brendshëm…Ligji i KÇK nuk po flas për ligjin e SPAK-ut po për ligjin e KÇK është si puna e hallit, halli im p*llon hallin tat, ky është i gjithë muhabeti. Ai me akt normativ qeveria po të hedh poshtë kushtetutën dhe kjo është një gjë e papranueshme…unë po them ca është artikuluar deri më sot nuk është në fuqi…”, u shpreh ish-ministri Ylli Manjani.
