Eneda Tarifa fiton Këngën Magjike, Fifi ia plas të qarës në skenë, komentuesit ‘i vënë flakën’ rrjetit

Dje në mbrëmje u mbyll edicioni i 21-të i festivalit Kënga Magjike, ku fituese u shpall Eneda Tarifa me këngën “Ma zgjat dorën” pas numërimit të pikëve të publikut, jurisë dhe votave të artistëve pjesëmarrës.

Në momentin përpara se të shpallej emri i fitueses që ishte Eneda Tarifa, i gjithë publiku bërtiste në sallë emrin e këngëtares Fifi.

Por mesa duket as ajo vetë nuk e ka pritur mirë vendin e dytë, pasi filloi të qante në skenë.

Gjithashtu edhe ndjekësit në rrjetet sociale mesa duket janë dukur të zhgënjyer nga ky vendim dhe nuk janë përmbajtur fare duke “shpërthyer” në komente.

Ata kanë bërë thirrje që të bojkohet festivali pasi fituese duhet të ishte Fifi, dhe i kanë kërkuar këngëtares të mos marrë më pjesë në këtë kompeticion.