LIGJET E BIZNESIT
Përmes një njoftimi të bërë për mediat, Interpol Tirana ka njoftuar se një 39-vjeçar është ekstraduar ditën e sotme nga Gjermania. Shtetasi i esktraduar është Ylli Sela, i cili akuzohet për “Vjedhje me dhunë”.
Ai është dënuar nga Gjykata e Lushnjes sepse pak kohë më parë tentoi, me çorape në kokë, të vidhte 50 mijë euro nga një makinë.
Njoftimi i Interpol Tirana:
Ekstradohet nga Gjermania një shtetas i dënuar për “Vjedhje me dhunë”. Nga Specialistët e Interpol Tirana u krye ekstradimi nga Duesseldorf/Gjermani drejt vendit tonë të shtetasit shqiptar Ylli Sela, 39 vjeç, lindur në Zhapokike, Tepelenë dhe banues në Vlorë.
Pas shkëmbimit të informacionit mes Interpol Tirana dhe autoriteteve policore të gjermanisë, u bë e mundur që shtetasi Ylli Sela, të kapej dhe arrestohej nga Policia gjermane me qëllim ekstradimin drejt Shqipërisë, në zbatim të urdhër arrestit ndërkombëtar të nxjerrë nga Zyra Qendrore Kombëtare Interpol Tirana.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Gjykata e Apelit Vlorë ka lënë në fuqi vendimin e Gjykatës së Rrethit Gjyqësor Lushnje e cila e ka dënuar këtë shtetas me 3 vjet e 4 muaj burgim, për veprën penale “Vjedhje me dhunë“ e kryer në bashkëpunim dhe e mbetur në tentativë.
Përmbledhje e ngjarjes së ndodhur: Tek “Rrethrotullimi i Savrës” në Lushnje, shtetasi Ylli Sela në bashkëpunim me shtetasit E.K. dhe E.S., të pajisur me çorape në kokë dhe duke përdorur dhunë fizike kanë tentuar të vjedhin me dhunë shumën prej 50 000 Euro në automjetin tip “Volkswagen” me të cilin udhëtonin shtetasit V. K. dhe J. L.
