Paketa “anti-shpifje” që u miratua ditën e djeshme nga Kuvendi, ka ngjallur një sërë reagimesh në rradhën e personazheve të njohur.
Një prej tyre është edhe aktorja Ema Andrea, e cila shprehet se është dakord me këtë paketë, por shton se më parë duhet të dalë ligji kundër fyrjes publike, arrogancës dhe injorancës së parlamentarëve.
Ajo thekson ndër të tjera se duhet të dalë një ligj që mbron profesionalizmin e kështu vendi mos drejtohet nga njerëz pa asnjë lidhje me ministritë që ua jep lodër pushteti.
“Ligj kundër shpifjes?! Dakort, por më parë duhet të dalë ligji kundër fyerjes publike, arrogancës, injorancës së parlamentarëve! Duhet të dalë një ligj që mbron profesionalizmin e kështu mos e drejtojnë vendin njerëz pa asnjë lidhje me ministritë që ua jep lodër pushteti! Të ndëshkohen hajdutët e kriminelët që na sfidojnë çdo ditë! Të ndërtohet një ligj kundër gënjeshtrës e propagandës e jam e sigurt që askush nuk do ketë nevojë të shpifë!”, shprehet aktorja e njohur Ema Andrea.
