LIGJET E BIZNESIT
Kryetari i Partisë Agrare Ambientaliste Agron Duka, njëkohësisht edhe një nga aleatët më të fortë të Lulzim Bashës, i është ‘përveshur’ kryeministrit Edi Rama dhe mazhorancës nëpërmjet një mesazhi të fortë.
Në një postim në rrjetet sociale, Duka shkruan se kur bëhet fjalë për vota, kjo mazhorancë kapet përherë me Zog në dorë, duke iu referuar rastit të përgjimeve të fundit midis moderatorit Hermes Nikaj dhe Dajana Shabanit, ku kjo e fundit i kërkon që të votojë më 30 qershor pasi do merrte 20 mijë lekë.
“Asgjë e re nga fronti i vrasësve të zgjedhjeve. Kur bëhet fjalë për votën, kjo mazhorancë, kapet përherë me ‘zog’ në dorë. Kur e ardhmja shitet dhe blihet për njëzet mijë lekë të vjetra, çmimi për ta fituar atë mbrapsh, do të jetë shumë i lartë.
Ne si opozitë e kemi bërë dhe do ta bëjmë këtë betejë deri në fund, por për çlirimin e zgjedhjeve duhet më shumë se kaq. Kërkohet që gjithë shoqëria të reagojë, të përçmojë dhe dënojë akte të tilla, të frymëzuara nga partia-shtet. Prokuroria, sidmos SPAK, e ka për detyrë t’i japë fund pandëshkueshmërisë së atyre që kanë shkatërruar zgjedhjet. Nuk ka më kohë, as justifikime, nuk kërkojmë asgjë më shumë sesa të bëni detyrën tuaj!”, shkruante Duka nëpërmjet një postimi në rrjetet sociale.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
