Një ngjarje e rëndë ka ndodhur në Cakran të Fierit.

Mësohet se një 26-vjeçar i cili vuante nga depresioni, i ka dhënë fund jetës duke u vetëvarur në një ullishte në fshatin Vreshtas.

Ai është Aurel Nazeraj dhe sipas informacioneve kishte dalë nga shtëpia dje pasdite në tokën të cilën e kanë mbjellë me ullinj dhe nuk është kthyer më në banesë.

Burime për “Fastnewsalbania” bëjnë me dije se kanë qenë familjarët ata që e kanë gjetur të vetëvarur.

Në momentin që ka shkuar te ullishtja, i riu kishte kontaktuar me një shok.

Ky i fundit e kishte ftuar për kafe por Nazeraj ishte përgjigjur se kishte disa punë.

Më pas ai është gjetur i pajetë nga familjarët.

Ata e kanë dërguar menjëherë në urgjencë  në Cakran e më pas në spitalin e Fierit me shpresen se do të mbijetonte, por përpjekja ka rezultuar e kotë.

Mësohet se prej kohësh 26-vjeçari ka shfaqur shenja të rënda të depresionit.

Edhe pse familjarët i kishin sugjeruar një psikolog, i riu kishte refuzuar.

Ai ka pretenduar se nuk kishte nevojë për seanca dhe psikolog por kishte nevojë për një hoxhë.

Ende nuk dihet arsyeja që e ka shtyrë viktimën të ndërmarrë aktin fatal.

Të afërmit dhe shokët shprehen se ai nuk vuante as nga problemet ekonomike.

Aurel Nazeraj punonte jashtë vendit dhe shkonte e vinte shpeshherë.

Studimet i kishte mbaruar në degën e Histori-Gjeografisë.

Miqtë tregojnë se ishte tip i mbyllur dhe nuk shprehej shumë me ta.