Një ngjarje e rëndë ka ndodhur orët e vona të mbrëmjes që kaloi, ku një 28-vjeçar është gjetur pajetë nga familjarët e tij.
Sipas informacioneve të policisë i riu është gjetur pranë një kanali vaditës në afërsi të banesës së tij në fshatin Kullaj të Shkodrës.
Ai ishte larguar prej ditësh nga banesa.
NJOFTIMI ZYRTAR I POLICISE
Më datë 07.12.2019, rreth orës 22.30, nga familjaret e tij është gjetur i mbytur në ujë në një kanal vaditës afër banesës së tij në fshatin Kullaj, Shkodër, shtetasi L.B., 28 vjeç, i cili ishte larguar nga banesa para disa ditëve dhe vuante nga depresioni.
Nga këqyrja paraprake nuk janë konstatuar shenja dhune dhe shkaku i vdekjes dyshohet nga mbytja në ujë.
