Holanda është një nga shtetet më të njohura dhe më të frekuentuara në Europë.
Por një ndryshim i madh po ndodh aty, ku që nga viti 2020 mësohet se ky shtet do të heqë zyrtarisht përdorimin e termit “Holandë.”
Emri Holandë i referohet një rajoni në Vendet e Ulëta (Netherlands), por shpeshherë për të përshkruar këtë vënd janë përdorur që të dyja këto emra.
Që nga janari i vitit të ardhshëm, emri “Holandë” do të hiqet nga e gjithë literature dhe materialet promovuese, dhe vendit do t’i referohen vetëm në bazë të emrit të tij zyrtar: “Vendet e Ulëta”.
Ribrendimi, që i kushtoi vendit 200,000 euro, është pjesë e një fushate më të gjerë për rilansimin e imazhit të vendit, raporton “Sydney Morning Herald”.
Ky hap vjen para se vendi të organizojë garën evropiane të këngës Eurovision dhe para se të marrë pjesë në Lojërat Olimpike 2020 në Tokio.
Logoja me tulipanin portokalli është hequr për t’u zëvendësuar me dy shkronjat NL, që duken si një tulipan i stilizuar, raporton “Dutch News”. Kjo logo është zbuluar muajin e kaluar nga ministri i Tregtisë i këtij vendi, Sigrid Kaag.
Holanda është një rajon i Vendeve të Ulëta që përfshin qytete shumë të njohura si Amsterdamin, Roterdamin dhe Hagën.
Prej 25 vitesh, industria turistike vendosi të promovojë këtë vend si “Holanda”, por sipas një zëdhënësi të Ministrisë së Jashtme, kjo është diçka e çuditshme, pasi promovohet vetëm një pjesë e vogël e Vendeve të Ulëta në botë.
Logoja e re, që do të jetë në 8 gjuhë të ndryshme, do të përdoret që nga dita e parë e 2020-ës në ndërtesat qeveritare, ambasada, universitete, kolegje, bashki dhe organizata të tjera që bashkëpunojnë zyrtarisht në projekte të qeverisë.
