LIGJET E BIZNESIT
Një tjetër pallat që është shpallur tashmë i pabanueshëm do të shembet me shpërthim të kontrolluar në Durrës.
Ky pallat ndodhet në rrugën Tregtare dhe njihet ndryshe si pallati i VIP-ave pasi në të kanë jetuar më herët personazhe të njohura ndër vite.
Ai është ndërtuar në vitet 80’ dhe si pasojë e tërmetit të fundit të 26 nëntorit, pësoi dëmtime të konsiderueshme.
Si pasojë u shpall i pabanueshëm.
Disa nga emrat më të njohur që kanë banuar brenda në pallatin 5-katësh asokohe janë këngëtarja e njohur Parashqevi Simaku, aktori Fadil Hasa por edhe drejtues institucionesh të asaj kohe, hetues dhe prokurorë.
Ky pallat konsiderohej si më i miri dhe më luksozi pasi apartamentet kishin një hapësirë të konsiderueshme.
