Dorëhiqet ministri italian, habit me fjalët: Është e kotë të qëndrosh sa për të ngrohur kolltukun

Një lajm i fortë nga bota e politikës italianë vjen së fundmi.

Mësohet se ministri i arsimit, Lorenzo Fioramonti ka dhënë dorëheqjen.

Kur u pyet më parë nëse do të jepte dorëheqjen në mungesë të fondeve për ministrinë e tij, ai u përgjigj: “Ose unë shfrytëzoj këtë mundësi për të sjellë një ndryshim, ose është vërtetë e kotë të qëndrosh në ministri për të ngrohur kolltukun”.

Mediat italiane raportojnë se Fioramonti, i Lëvizjes 5 Yje, kishte kërkuar fonde të tjera për ministrinë e tij, të cilat në ligjin e buxhetit për vitin 2020 të miratuar në 24  dhjetor nuk ishin alokuar.

Fioramonti deklaroi në dhjetor nga Triestja se do të duheshin 24 miliardë për shkollat dhe se 3 miliardë që ai kishte siguruar nuk ishin mjaftueshëm.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Fioramonti kishte kritikuar vazhdimisht partinë që i përkiste. Në një intervistë me Corriere della Sera disa javë më parë, ai mbajti një qëndrim kundër dekreteve të sigurisë së Matteo Salvini dhe ligjit për vetëmbrojtje (miratuar gjithashtu nga M5S gjatë qeverisë së mëparshme).